Шри-Ланка полицияси ходимлари мамлакатнинг марказий қисмида 200 та детонатор яширилган омборхона топишди, дея маълум қилди РИА Новости нашри.
Портловчи қурилмаларнинг детонаторлари Нувара-Элия шаҳридан топилган.
Шунингдек, пойтахт ҳудудида уч киши 21 та граната сақлагани учун қўлга олинган.
Шри-Ланкада хавфсизлик муҳити сўнгги ҳафтада кескин ёмонлашган. Саккизта портлаш оқибатида қарийб 360 киши ҳалок бўлган, яна 520 киши яраланган. Ушбу террорчилик ҳаракатлари учун жавобгарликни “ИШИД” радикал ташкилоти ўз зиммасига олмоқда.
