АҚШ президенти Дональд Трамп Буюк Британия ҳамда Францияга расмий ташриф билан бориши кутилмоқда, деб хабар бермоқда НТВ.ру нашри.
Оқ уй томонидан берилган баёнотга кўра, сафар жорий йилнинг 3-6 июнь кунларига белгиланган. Трамп Британияда қиролича Елизавета II билан учрашади. Шундан сўнг Францияда президент Эммануэл Макрон билан учрашиб, иқтисодиёт ҳамда хавфсизлик соҳасида яқин ҳамкорликни мустаҳкамлаш бўйича музокаралар ўтказиши режалаштирилган. АҚШ еткачисининг Европа мамлакатларига ташрифи мезбон давлат раҳбарларининг таклифига биноан амалга оширилмоқда.
