Ўтган ҳафтада Янгийўл ва Зангиота туманларида депутат билан учрашув маҳаллий ҳокимиятнинг айби билан ўтказилмай қолган. Олий Мажлис депутати бу ҳақда Facebook саҳифасида ёзгандан сўнг, воқеа мамлакат бўйича кенг муҳокама қилина бошланди.
Бугун Тошкент вилояти ҳокими Ғуломжон Ибрагимов бу ҳолатга эътибор қаратди. "Бир сўз билан айтганда, шармандагарчилик бу", - дея вилоят ҳокимининг сўзларини келтирмоқда ЎзА.
Олий Мажлис депутатига, халқ вакилига ҳурматсизлик қилингани, ташкилий йўналишда хато-камчиликка йўл қўйгани учун бир қатор раҳбарларга интизомий жазо берилди.
