Германиянинг Volkswagen AG компанияси бу йил ҳам жаҳон автомобиль бозоридаги савдо борасида етакчилик қилмоқда, деб хабар қилди Репорт нашри.
Мана, уч йилдирки, компания биринчиликни қўлдан бермаяпти. Volkswagenнинг даромади ўтган йилга нисбатан 0,7 фоизга ошган. Иккинчи ўринни эса Renault-Nissan-Mitsubishi эгаллаб турибди. Япониянинг автомобиль ишлаб чиқарувчиси Toyota учинчиликни қўлга киритган. Дизель ёқилғисида ҳаракатланадиган машиналарга бўлган талабнинг пасайиши ҳамда йирик давлатлар орасидаги савдо уруши жаҳон автомобиль бозорига салбий таъсир кўрсатмоқда. Компаниялар эса келаси йил вазият яхшиланишига умид қилишмоқда.
