Germaniyaning Volkswagen AG kompaniyasi bu yil ham jahon avtomobil bozoridagi savdo borasida etakchilik qilmoqda, deb xabar qildi Report nashri.
Mana, uch yildirki, kompaniya birinchilikni qo`ldan bermayapti. Volkswagenning daromadi o`tgan yilga nisbatan 0,7 foizga oshgan. Ikkinchi o`rinni esa Renault-Nissan-Mitsubishi egallab turibdi. Yaponiyaning avtomobil ishlab chiqaruvchisi Toyota uchinchilikni qo`lga kiritgan. Dizel yoqilg`isida harakatlanadigan mashinalarga bo`lgan talabning pasayishi hamda yirik davlatlar orasidagi savdo urushi jahon avtomobil bozoriga salbiy ta`sir ko`rsatmoqda. Kompaniyalar esa kelasi yil vaziyat yaxshilanishiga umid qilishmoqda.
