Бельгиянинг Брюссель шаҳри кўчаларида БМТнинг Миграция пакти имзоланишига қарши намойишлар бўлиб ўтмоқда, дея хабар бермоқда ТАСС нашри.
Ўтган ҳафтада Марокашда БМТ томонидан ўтказилган конференцияда миграция бўйича глобал келишувга келишилган эди. Европанинг бир қатор мамлакатлари бу шартномага қаршилик кўрсатган, бироқ Бельгия ушбу ҳужжатни қўллаб-қувватлаган. Бу эса бельгияликларнинг норозилигига сабаб бўлмоқда. Айни вақтда 6 мингга яқин одамлар кўчаларда турли намойишлар ўтказишмоқда. Полиция эса уларга қарши кўздан ёш оқизувчи газдан фойдаланишга мажбур бўлмоқда.
