Ўзбекистон миллий терма жамоаси билан Осиё Кубоги - 2019 мусобақасининг гуруҳ босқичида кураш олиб борадиган Уммон терма жамоаси Тожикистон билан иккинчи ўртоқлик ўйинида майдонга тушди.
Учрашув Уммоннинг 1:0 ҳисобидаги ғалабаси билан якунига етди. Ягона гол Холид Ал-Хажрий томонидан 58-дақиқада киритилди.
Биринчи ўртоқлик ўйинида ҳам Уммон терма жамоаси 2:1 ҳисобида ғалаба қозонган эди.
Эслатиб ўтамиз, Ўзбекистон миллий терма жамоаси Осиё Кубоги доирасида илк ўйинни Уммон билан 9 январь куни Шаржа шаҳридаги "Sharjah stadium" ўйингоҳида ўтказади.
Ўртоқлик ўйини
Уммон - Тожикистон - 1:0
Гол: Холид Ал-Хажрий, 58.
16 декабрь. Маскат. "Султон Қобус" стадиони. 1200 томошабин
