АҚШда ўтказилган аукционда минг долларлик ноёб банкнот икки миллион долларга сотилди, деб хабар берди Lenta.ru нашри.
Мазкур аукцион 25 октябрь куни Мэриленд штатидаги балтимор шаҳрида жойлашган Stack’s Bowers Galleries аукцион уйида бўлиб ўтди. “Гранд Арбуз” деб номланган минг долларлик банкнот 1890 йилда ишлаб чиқарилган. Унга 1863 йилда Геттисберг жангида генерал Ли устидан ғалаба қозонган генерал-майор Жорж Гордон Миднинг тасвири туширилган. Коллекционерларнинг маълум қилишича, бундай банкнотлар атиги уч дона экан.
