“UFC“ бўйича енгил вазнда чемпион бўлган россиялик Хабиб Нурмагомедов ирландиялик Конор Макгрегор томонидан таклиф қилинган 15 миллион АҚШ доллари ва реванш жанггига розилик бермади, деб маълум қилди Хабибнинг амакиси Алекс Нурмагомедов.
– Конор билан реванш жанги бўлмайди. Бу Хабиб учун аҳамиятга эга эмас. У Конор билан ҳеч қандай пулга уришмайди. Тўғри ирландияликлар реванш жанг учун 15 миллион долларни таклиф қилишди. Лекин Хабиб бу таклифга ҳам йўқ, дея жавоб берди. Конор ўзига бошқа рақиб топсин. Хабиб эса Фергюсон билан жангдан сўнг фаолиятини якунламоқчи, – дейди Алекс Нурмагомедов.
