Франциянинг Париж шаҳрида бўлиб ўтаётган автошоу давомида лего доналаридан ясалган бугатти намойиш этилди, деб хабар қилди Ria.ru нашри.
Ташкилотчиларнинг сўзларига кўра, бу катталар учун ўйинчоқдир. Уни ясаш учун 1 млн.дан ортиқ доначалардан фойдаланилган. Кўк бугаттининг барча қисмлари салони, рули, ҳатто ғилдираклари ҳам легодан иборат. Айрим элементлари эса ҳақиқийдир. Шу боис уни бошқариш мумкин. Электр двигатель ёрдамида ўйинчоқ бугатти соатига 30 км. тезликда ҳаракатланади. У кўргазма давомида намойиш қилинган энг антиқа модель сифатида қайд этилган.
