2017 йилнинг апрелида юк машинаси ёрдамида теракт содир этган 40 ёшли Раҳмат Акиловга суд умрбод қамоқ жазосини тайинлади.
Ўшанда теракт оқибатида 5 киши ҳалок бўлганди, дея хабар беради РБК нашри.
Суд уни теракт содир этганида жорий йилнинг февралида айбдор деб топганди. Ўша пайт судланувчи ИШИДни қўллаб-қувватлашини тан олгани ҳамда буни бошқа далиллар ҳам исботлагани айтилганди.
Шунингдек, ИШИДга қарши халқаро коалицияга қўшилгани учун Швециядан қасос олиш судланувчининг мақсади бўлгани таъкидланганди.
Эслатиб ўтамиз, 2017 йилнинг 7 апрелида юк машинаси кўчада кетаётган одамларни босиб кетган. Оқибатда 5 киши ҳалок бўлиб 15 киши жароҳатланган.
Еxprеssеn маълум қилишича, у Швецияга Самарқанддан борган. Европа мамлакати унга қочқин мавқеини беришни рад этган.
