Сурхондарёда салкам 45 килограмм опий гиёҳвандлик моддасини сотишга уринган Афғонистон фуқароси қўлга олинди. Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар берди.
Тезкор тадбир давомида, Сурхондарё вилоятининг Термиз туманида икки дона полиэтилен қопларга солинган жами оғирлиги 44 килограмм 668 грамм бўлган опий гиёҳвандлик моддасини сотмоқчи бўлган Афғонистон фуқароси қўлга олинган.
