Ҳиндистоннинг Тамилнад штати маъмурияти маҳаллий аҳоли талаби билан Тутикорин шаҳрида “Sterlite Industries"нинг иккинчи мис эритиш заводи қурилишини тўхтатди.
Тамилнад маъмуриятининг бундай қарога келишида полиция ва завод қурилишига қарши чиққан намойишчилар ўртасидаги қонли тўқнашув сабаб бўлган. Қайд этилганидек, ўтган ҳафтадаги норозилик ҳаракатларида 13 киши ҳалок бўлган, камида 70 намойишчи ҳисбса олинган.
Куни кеча Тамилнад маъмурияти раҳбари Эдаппади Паланисвами Тутикоринда фаолият кўрсатаётган “Sterlite Industries"нинг биринчи мис қуйиш заводи ҳам бутунлай ёпилишини маълум қилди. Шу ҳақдаги маълумотни ОАВ келтириб ўтади.
Эслатиб ўтамиз, жорий йилнинг 22 майида Тутикоринда оммавий норозилик бошланган эди. Намойишчилар экология ва аҳоли саломатлигига жиддий зарар келтираётганини рўкач қилиб, шаҳарда фаолият кўрсатаётган “Sterlite Industries”нинг мис эритиш заводи ёпилишини қатъий талаб қилиб чиққан.
