27 май куни Греция шимолида, Александруполисдан Орестиадуга йўл олган йўловчи автобусини чақмоқ урди.
Мўъжиза рўй бериб, йўловчилар жабр кўрмади. Автобус ҳайдовчиси ўзини йўқотмай, тезкорлик билан автобус салонидан йўловчиларни чиқаришга ҳаракат қилди.
Ёнғин хавфсизлиги ходимлари етиб келгунга қадар, автобус деярли ёниб бўлган эди деб хабар берди e-evros.gr портали.
Ўт учирувчилар ёнғинни бартараф этишди. Бўлмаса кучли олов ўша жойда тарқалиши хавфи бор эди.
