Ўзбекистон Мудофаа вазирлиги ҳарбий оркестрлари ўртасида жанговар руҳни кўтарадиган, давраларга хуш кайфият улашадиган, ҳеч қачон эскирмайдиган ва кўнгилга тегмайдиган, ҳар доим эзгуликни, покликни, ватанпарварликни мадҳ этувчи «Мусиқа жанговар сафда» номли ҳарбий қўшиқларнинг навбатдаги, анъанавий кўрик-танловининг якунловчи босқичи ўтказилди. Бу ҳақда вазирлик матбуот хизмати хабар берди.
Кўрик-танловда Чирчиқ, Жиззах, Самарқанд, Қарши, Термиз гарнизони ҳарбий оркестр жамоалари, Мудофаа вазирлиги марказий ва Қуролли Кучлари академияси ҳарбий оркестри жамолари иштирок этди.
Шунингдек, Қуролли Кучлар куч тузилмаларининг оркестр жамоалари ижод намуналари билан танловдан ташқари иштирок этади.
Мудофаа вазирлиги Маънавият ва маърифат маркази олдидаги очиқ майдон томошабинлар билан гавжум бўлди. Унда Мудофаа вазирлигининг 12 та ҳарбий оркестр жамоаси ижодий беллашувда ғолиблик учун баҳслашди. Кўрик-танлов йиғма ҳарбий оркестрларнинг гала-концертига айланди.
