Кеча, 25 апрель куни Қозоғистон мусулмонлари идорасининг раиси, Бош муфти Серикбай ҳожи Ўраз ташаббуси билан Олмаота Марказий масжидида Қуръон ҳофизлари ўртасида VII Республика танлови бошланди.
ЎМИ матбуот хизмати хабарига кўра, ушбу мусобақада Қозоғистоннинг 17 ҳудудидан келган 63 қори ва қориялар «Тўлиқ ҳифз», «20 жуз», «10 жуз» ва «Тиловат» йўналиши бўйича мусобақалашадилар.
Мусобақанинг мутлақ ғолибига енгил автомобил топширилиши кўзда тутилган. Қолган ғолиб ва совриндорларга пул мукофоти берилиши маълум қилинди.
Танлов ғолибларини тантанали тақдирлаш маросими «Алатау» мажмуасида бугун (26 апрель куни) бўлиб ўтиши режалаштирилган.
