Наманган шаҳрида велоспортнинг трек йўналиши бўйича ёшлар ва ўсмирлар ўртасида Ўзбекистон чемпионати бошланди, деб хабар бермоқда МОҚ.
Мусобақада 2000-2001 йилларда туғилган ёш спортчилар «Омниум» йўналиши бўйича ҳам ўзаро беллашадилар.
Терма жамоа учун янги номларни саралаб олиш, уларнинг малакасини ошириш ва олдинда турган нуфузли халқаро мусобақаларга муносиб тайёргарлик кўриш мақсадида ўтказилаётган чемпионатда юртимизнинг турли ҳудудларидан ташриф буюрган ёш спортчилар иштирок этишмоқда.
