Туркиянинг Хатай провинциясида бўлган отишмада курдлар томонидан 17 ёшли қиз отиб ўлдирилди, деб хабар берди lenta.ru нашри.
Нашрнинг хабар беришича, воқеа Рейханли шаҳридаги Гюльтепа кварталида рўй берган. Курдлар чегара устидан бир неча маротаба ракета отишган. Оқибатда 17 ёшли Фатма Авлар исмли туркиялик қиз ярадор бўлиб, ҳалок бўлган.
Уйининг деворига снаряд теккан яна бир маҳаллий аҳолига тегишли эркак яраланиб, касалхонага ётқизилган. Снарядлар тегиши оқибатида бир қанча бинолар ва автомобилларга ҳам зарар етган.
Туркия 20 январдан бери курдларга қарши “Зайтун шохи” номли операцияни амалга оширмоқда. Курдларнинг маълумот беришича, операциянинг биринчи ҳафтасида турк ҳарбийлари 89 нафар тинч аҳолини ўлдирган, 200 нафарга яқин одамни яралаган.
