Украинада давлат мулкини ноқонуний равишда ўзлаштиришда айбланиб, жиноят иши қўзғатилган собиқ бош вазир Микола Азаровга нисбатан қидирув эълон қилинди, деб хабар берди lenta.ru нашри.
Бу ҳақда Украина Бош прокурори Юрий Луценко ўзининг Фаейсбук саҳифасида маълум қилди.
У 2,2 миллиард гривна миқдорида давлатга зарар келтирган. Шунингдек, Украина Миллий банкининг собиқ раҳбари Сергей Арбузовга нисбатан ҳам қидирув эълон қилинди. Арбузов маблағларни ноқонуний ўзлаштиришда у билан дахлдорликда гумон қилинмоқда.
2017 йилнинг май ойида Киев шаҳрининг Печер туман суди Азаров ва Украинанинг собиқ президенти Виктор Януковичларга нисбатан сиртдан айб қўйган эди. Улар “Укртелеком” компаниясининг маблағларини ўзлаштиришда айбланган эди.
