АҚШнинг Шимолий Каролина штатидаги Shallotte River Swamp Park миллий боғида сув ҳавзаларидаги тимсоҳлар музлаб қолди, деб хабар берди Vesti.ru нашри.
Тимсоҳлар сувда музлаб қолганча уйқуга кетган. Улар нафас олиб туриш учун фақатгина бурни ва тумшуғини сув устида қолдирган. Shallotte River Swamp Park миллий боғи ходимининг маълумот беришича, тимсоҳлар ҳаво илигандан кейин уйқудан уйғонишади.
Сўнгги ҳафтада АҚШнинг бир қатор штатларида совуқ ҳаво ҳарорати ҳукм сурмоқда. Баъзи шаҳарларда ҳаво ҳарорати 30 даража совуққача тушиб кетган. Кучли совуқ оқибатида одамлар қурбон бўлди.
