Багам оролларида сувга тушган болакайга бирваракайига тўртта наҳанг балиқ ҳужум қилмоқчи бўлди, деб хабар берди Vesti.ru нашри.
Лекин қирғоқда турган квадрокоптёр операторининг зийраклиги туфайли болакай бир ўлимдан қолди. Сув йиртқичлари акс этган дрондаги тасвирни оператор YouTubeга жойлади.
Нохуш ҳодиса ўтган йилнинг декабрь ойи ўрталарида рўй берган. Кадрларда болакай денгизга чопиб тушиб, қирғоқ бўйида сув сачратиб ўйнаётгани ва бир неча сониялардан сўнг учта наҳанг болакай томон шиддат билан сузиб келаётани, сал ўтиб эса яна бир йиртқичнинг уларга шерик бўлгани гавдаланган. Болакай сув тубига боши билан шўнғиган, мана шунинг ўзи наҳангларга ундан бир неча қадам нарига бўлишларига етарли бўлган.
“Раббимга шукрлар бўлсинким, бола чақириғимни эшитди”, – дейди ўша дамда қирғоқ бўйида турган дрон бошқарувчи Артём Ткаченко.
Болакай дарҳол сувдан чиқиб олади, наҳанглар эса “қуруқ қўл билан” ортга қайтишади.
