82 ТАДБИРКОР ҚИЗ ТИЖОРАТ БАНКЛАРИНИНГ СЕРТИФИКАТЛАРИ БИЛАН ТАҚДИРЛАНДИ
Бувайда тумани қишлоқ хўжалик касб-ҳунар коллежини битирган Дилфуза Асророванинг асаларичилик ишини бошлашга оид ғояси Ўзбекистон Хотин-қизлар қўмитаси томонидан ҳамкор ташкилотлар билан биргаликда ташкил этилган "Тадбиркор қизнинг энг яхши лойиҳаси – 2017" кўрик-танловида ғолиб, деб топилди.
Ўзбек Миллий академик драма театрида мазкур кўрик-танлов ғолибларини тақдирлашга бағишланган тадбир бўлиб ўтди. "Тадбиркор қизнинг энг яхши лойиҳаси" кўрик-танловининг финал босқичида лойиҳалар қишлоқ хўжалиги, сервис, ишлаб чиқариш йўналишларида сараланди. Бизнес-лойиҳаси энг яхши деб топилган 82 тадбиркор қиз махсус диплом, тижорат банкларининг сертификатлари ва эсдалик совғалари билан тақдирланди.
