Аввало, ажин тушириши мумкин бўлган зарарли одатлардан халос бўлинг. Яъни:
- қўлни юзга тираб ўтирманг.
- Ўтирганда гавдангизни текис тутинг, букчайманг.
- Таомни оғизнинг бир тарафида чайнаманг, йўқса, иккинчи тараф мушаклари бўшашиб кетади.
- Бурнингизни жийирманг, кулганда кўзларни қисманг, бу қилиқ кўз атрофига ажин туширади.
- Қуёш нурларидан ҳимояловчи қора кўзойнак тақинг.
- Ухлаш учун бошингиз тагига биттадан ортиқ ёстиқ қўйманг.
- Мутахассис ёрдамида юзингиз терисига мос келадиган крем танланг.
- Кўз атрофи парвариши ҳақида ҳам унутманг. Муолажа юзга илк бор ажин тушиши билан бошланади.
- Юз терисини имкон борича юмшоқлик билан парваришлаш зарур. Пардозлаш ёки косметик парвариш жараёнида терини тортманг. Воситаларни енгил уқалаб, тепадан пастга эмас, пастдан тепага суртинг.
- Тери таранглиги сақланиши учун кўпроқ тоза ҳавода юриш, етти соатдан кам ухламаслик, юз териси мушаклари учун машқлар қилиб туриш, жисмонан зўриқмаслик, чекмаслик, ухлашдан аввал тўйиб овқатланмаслик, спорт билан мунтазам шуғулланиш, парҳезда тез вазн ташламаслик каби қоидаларга амал қилинг.
Манба: «SUG‘DIYONA» газетаси.
