Avvalo, ajin tushirishi mumkin bo`lgan zararli odatlardan xalos bo`ling. Ya`ni:
- qo`lni yuzga tirab o`tirmang.
- O`tirganda gavdangizni tekis tuting, bukchaymang.
- Taomni og`izning bir tarafida chaynamang, yo`qsa, ikkinchi taraf mushaklari bo`shashib ketadi.
- Burningizni jiyirmang, kulganda ko`zlarni qismang, bu qiliq ko`z atrofiga ajin tushiradi.
- Quyosh nurlaridan himoyalovchi qora ko`zoynak taqing.
- Uxlash uchun boshingiz tagiga bittadan ortiq yostiq qo`ymang.
- Mutaxassis yordamida yuzingiz terisiga mos keladigan krem tanlang.
- Ko`z atrofi parvarishi haqida ham unutmang. Muolaja yuzga ilk bor ajin tushishi bilan boshlanadi.
- Yuz terisini imkon boricha yumshoqlik bilan parvarishlash zarur. Pardozlash yoki kosmetik parvarish jarayonida terini tortmang. Vositalarni engil uqalab, tepadan pastga emas, pastdan tepaga surting.
- Teri tarangligi saqlanishi uchun ko`proq toza havoda yurish, etti soatdan kam uxlamaslik, yuz terisi mushaklari uchun mashqlar qilib turish, jismonan zo`riqmaslik, chekmaslik, uxlashdan avval to`yib ovqatlanmaslik, sport bilan muntazam shug`ullanish, parhezda tez vazn tashlamaslik kabi qoidalarga amal qiling.
Manba: «SUG‘DIYONA» gazetasi.
