1. Ғамхўрлигингизни миннат қилмайсиз. Ахир сиз тақдим этган ҳаёт учун болангиз бир умр қарздор-ку!
2. Тушкун кайфиятингиз, турли муаммоларингизни болангизга билдирмайсиз. Уларни авайлайсиз!
3. Боланинг энг кичик муаммоларини ҳам биргаликда ҳал этиб, тўғри йўналтирасиз. Шу сабаб у сизга ишонади.
4. Кўпчилик олдида камситиш, уришиш сизнинг тарбиянгизга хос эмас. Изза қилиб, руҳини чўктирмай, дейсиз.
5. Фарзандингиз учун кутилмаган совғалар тайёрлаб, унинг шодланишидан завқланасиз. Бундан ортиқ бахт борми!
6. Ота-она ишончли дўстлигини хатти-ҳаракатларингиз орқали намоён этасиз. Сизнинг муомалангиздан улар ибрат олади.
7. Бошқаларнинг боласини ҳам фақат яхши гаплар билан тилга оласиз. Бу сизнинг оқкўнгил инсонлигингиздан нишона.
8. Фарзандингизнинг ҳар бир ютуғи сиз учун чинакам байрам. Уни бирга нишонлаб янада олқишлайсиз.
9. Унинг фиклари, қизиқишлари ва мақсадлари билан қизиқасиз, уни руҳлантирасиз. Болангиз сиз билан доим маслаҳатлашади.
10. Оилада отанинг ўрни ва ҳурмати биринчи ўринда деб ўргатгансиз.
Манба: «SUG‘DIYONA» газетаси.
