"Ақлли" уйларни қаерда қуриш мумкин, албатта, улар "ақлли" шаҳарларда қурилади! "Panasonic" иштирокида қуриладиган бундай уйлар Берлинда бунёд этилиши IFA кўргазмаси кўламида эълон қилинди. Германия пойтахтида, Япониянинг “тоза” энергетикаси усулида жиҳозланган, инсон юзига қараб, унинг кимлигини аниқловчи хавфсизлик тизими мавжуд бўлган 69 та хонадондан иборат квартал қурилиши режалаштирилди.
Илмий ва технологик ташкилот томонидан қурилиш ишлари олиб борилиши режалаштирилган Адлерсхоф тумани маҳаллий Кремний водийсида жойлашган. Бу ерда 2017 йилнинг баҳорида Гумбольдт университети қурилиши ишлари бошланиб, уни 2018 йилнинг ёзида тугатиш ҳам режага киритилган. Хонадонларнинг қурилиш лойиҳалари кекса ёшлиларнинг эҳтиёжини ҳисобга олган ҳолда яратилган. Япония аҳолисининг аксарият қисмини 70 ёшдан ошган инсонлар ташкил этгани боис қарияларнинг мустақил равишда ҳаёт кечиришлари учун "Panasonic" бунга тўлиқ ихтисослаштирилган.
Бундан ташқари, Берлинда қурилиши кўзда тутилган “Келажак шаҳри” янги энергетик қурилмалари (Etherea Z иситиш насослари, қуёш панеллари, аккумуляторлари ваAquarea H иситкичлари) билан жиҳозланади. Уларнинг шарофати билан Германия пойтахти истеъмолдан кўра, кўпроқ электр қуввати ишлаб чиқарувчи яна бир экологик тоза электростанцияга эга бўлади.
