Берлинда ҳар йили истеъмолдаги электроника, унинг аксессуарлари ва маиший техниканинг IFA номли кўргазмаси ўтказилади. Япониянинг "Panasonic" компанияси бу йил "келажак уйлари"ни гаджет-шоу орқали намойиш этиб, кўргазма кўламини ўзгартирди...
Кўргазмада интерфаол, ультразамонавий, симсиз тармоқ орқали ўзаро алоқада бўлувчи маиший техника билан жиҳозланган уйлар намойиш этилди. Компаниянинг маълумот беришича, 3-5 йилдан кейин ҳар бир истеъмолчи бундай уйга эга бўлиши мумкин. “Келажак уйлар”ида яшовчи ҳар бир одам керакли маълумотларни ўзида акс эттирувчи сенсорли, шаффоф экранлар билан ҳамкорликда яшайди. Уни меҳмонхонага қўйилган телевизорга қиёслаш мумкин. Агар у ўчириб қўйилса, умуман кўзга ташланмайди.
