Канадалик аёл ғалати воқеани видеога олди, деб хабар берди Ntv.ru нашри.
У қундузнинг ортидан 150 бош қорамолни эргаштириб кетаётганининг гувоҳи бўлди.
Ферма эгасининг айтишича, қундуз дала бўйлаб инини излаган. Унинг пайдо бўлиши подага қаттиқ таъсир қилган. Қорамолларга қундузнинг ҳаракати шу даражада қизиқ туюлдики, яйловни тарк этиб, унинг ортидан йўлга чиққанликларини ўзлари ҳам сезмай қолишди. Фермерлар уларнинг йўқолганини аниқлаб, тезда ортга қайтаришди.
