Гонгконг ОАВсининг хабар беришича, таниқли киноактёр Жеки Чан ва “Осиё гўзали” танловининг ғолиби Элейн Нгнинг қизлари 18 ёшли Этта Нг ўз жонига қасд қилишга уриниши оқибатида айни дамда шифохонага тушган.
Этта 31 март куни онасининг дўстлари билан дам олиш учун Таиландга кетган, бироқ у 2 апрель куни шошилинч равишда Гонгконгга қайтиб келган ва ўз жонига қасд қилган.
Тасдиқланмаган маълумотларга кўра, депрессия ҳолатида қиз ўз жонига қасд қилишга уринган, деб ёзади “Вести”.
Айрим интернет фойдаланувчилари эса Этта Нг ўзининг ижтимоий тармоқлардаги саҳифаларида бир неча марта ўз жонига қасд қилиши ҳақидаги материалларни эълон қилганини таъкидлаган.
Жеки Чан ва “Осиё гўзали” Элейн Нг ўртасидаги ишқий муносабатлар 1998 йилда бошланган, бироқ бу муносабатлар узоққа чўзилмади. Жеки Чан бу муносабатлар унинг катта хаторси бўлганини маълум қилди ва ҳатто 1999 йилда туғилган қизини ҳам тан олишни истамади.
Этта ҳам ўз навбатида Жеки Чанни ўз отаси деб билмаслигини маълум қилган.
