Россиянинг “Пятый канал” телеканали Санкт-Петербург шаҳар метросида терактни амалга оширишда гумон қилинган шахснинг фотосуратини эълон қилди, хабар берди “Ntv.ru” нашри.
Дастлабки маълумотларга кўра, у Қирғизистон фуқаросидир.
Бугун “ВКонтакте” ижтимоий тармоқларидан биридаги гуруҳда ҳали айби расман тасдиқланмаган, Петербург метросидаги терактни амалга оширишда гумон қилинаётган шахснинг сурати ва кузатув камералари қайд этган, перронда оғир рюкзакни орқалаб кетаётган, қўлини мушт қилиб тугиб олган йигит акс этган кадр эълон қилинди.
ОАВларда портлатилган вагон ичи акс этган фотосуратлар ҳам пайдо бўлди. Унда тахмин қилинаётган худкуш-террорчининг узилган боши ва полда сочилиб ётган танасининг бошқа қисмлари акс этган. Жасад қолдиқлари олдида рюкзак ҳам бор. Дастлабки маълумотларга кўра, уни 1995 йилда Қирғизистоннинг Ўш шаҳрида туғилган, айни пайтда Россия фуқароси бўлган Акбаржон Жалилов амалга оширган.
