Burger King ресторани рекламада ваъда берилган олчали пирогни бепул тарқатишдан бош тортгани учун 110 минг рубль жарима тўлайди, деб хабар берди Vc.ru/n нашри.
Петербург федерал антимонопол хизмати “Бургер Рус” компаниясига қарашли Burger King ресторанини реклама қонунини бузганликда айблади. У 100 мингдан 500 минггача жарима тўлаши мумкин.
Рекламада “Воппер фристайл” тушлигини сотиб олган одамга бепул очали пирог бериш ваъда қилинган. Аммо мазкур тушликни сотиб олган аёл бепул олчали пирог беришни сўраганда, ресторан ходимлари бундан бош тортган. Аёл тегишли идораларга даъво аризаси билан мурожаат қилди.
Унинг шикоят қилганини кўрган ресторан менежери аёл бепул олчали пирогни талаб қилмаганлигини маълум қилди. Судда Burger King ресторани вакили улар реклама қонунини бузишмаганлигини, ҳаммасига ҳозирда жазоланган ресторан ходими айбдор эканлигини билдирди.
