Гарчи ёшга доир ўзгаришларни тўхтата олмасак-да, муаммони чуқурлаштирмасликнинг имкони бор. Ажинлар юзнинг қайси қисмида жойлашганига қараб, таҳминий хасталикларни биргаликда аниқлаймиз.
ПЕШОНА :
– Агар пешонанинг юқори қисми бўйлаб узун, ингичка ажинлар тарқалган бўлса, ҳойнахой сизни бош оғриғи безовта қилади.
– Пешонадаги ажинларнинг чуқур жойлашганлиги буйрак фаолияти билан боғлиқ бўлиши мумкин. Эҳтимол, сизда буйрак шамоллаши, туз ёки қум йиғилиши каби муаммолар бор.
– Иккита қош ўртасидаги йирик ажинлар гайморит асоратини билдиради. Агар гайморит билан оғриган бўлсангиз, оғриқ хуружларида пешонангизни қаттиқ тириштиргансиз. Бу эса иккита қош ўртасидаги терига зўриқиш берган.
ОҒИЗ АТРОФИ:
– Юқори лаб ва бурун ўртасида пайдо бўлган майда ажинлар, ошқозон, ичаклар фаолиятидаги бузилишлар ҳамда гормонал ўзгаришлардан дарак беради.
– Бурун ва юқори лаб ўртасидаги йирик ажинлар юрак фаолиятидаги безовталикларга ишора қилади. Ўйлаб кўринг, тез толиқиш, зинадан юқорига кўтарилганда ҳансираш кабилар кузатилмаяптими?
– Дахан сохасида тарқалган узуқ-юлуқ ажинлар жигар билан боғлиқ бўлиши мумкин.
ЁНОҚЛАР:
– Одатда, ушбу юз соҳасида ажинлар нисбатан кам бўлади. Аммо бунинг акси бўлса, ошқозон ости бези билан боғлиқ ўзгаришларга тахмин қилинади.
КЎЗЛАР:
– Кўзнинг ташқи бурчагидан чаккага қараб тарқалган майда ажинлар ўт қопи, ҳазм фаолияти ва ошқозон билан боғлиқ ҳолатларга эътибор беришга чорлайди.
– Кўз қопчаси бўйлаб ёзилган ажинлар эса уйқусизлик ёҳуд айрим витаминларнинг етишмовчилигидан далолат берад;
– Эрталаблари кўз қовоқларининг шишиб, юзасида билинар-билинмас майда ажинларнинг пайдо бўлиши буйрак фаолиятидаги ўзгаришларга тахмин қилинади.
