Англия Кубоги нимчорак финалида мамлакат чемпионати пешқадами “Челси” сафарда Чемпионшип аъзоси “Вулверхэмптон”га қарши курашди.
Учрашувнинг 65-дақиқасида Педро ҳисобни очган бўлса, 89-дақиқада Диего Коста ўйин тақдирини ҳал қилган гол муаллифи бўлди. Шу тариқа Лондон клуби мусобақанинг чорак финалига йўл олди.
Аввалроқ Англиянинг амалдаги чемпиони “Лестер” турнирни тарк этгани, “Манчестер Сити” эса кутилмаганда “Хаддерсфилд” билан дуранг ўйнагани ҳақида хабар берилганди.
Вулверхэмптон – Челси 0:2
Голлар: 0:1 – 65 Педро, 0:2 – 89 Диего Коста.
Вулверхэмптон – Икеме, Хоз, Батт, Доэрти, Элдер Кошта, Коуди, Прайс, Сэвилл (Саисс, 84), Эдвардс, Вайманн (Уилсон, 76), Бедварссон (Ронан, 84).
Челси – Бегович, Зума, Терри, Аке, Чалоба, Фабрегас, Мозес, Виллиан (Канте, 80), Педро (Аспиликуэта, 73), Азар (Лофтус-Чик, 86), Диего Коста.
Огоҳлантиришлар: Сэвилл (21), Вайманн (33), Педро (49).
