Бурятияда полициячилар қизини ўлдириб, дарё қирғоғига ташлаган 23 ёшли аёлни қўлга олди, деб хабар берди “Тvzvezda.ru” нашри.
Тергов жараёнида аёл 8 февраль куни ноқонуний турмуш ўртоғининг қариндошлариникига бориб, спиртли ичимлик истеъмол қилди. Кечқурун қизчаси билан уйига қайтди. Аёл қизчани ухлатмоқчи бўлган, аммо у йиғидан тўхтамади. Қизчанинг йиғиси жонига теккан аёл жаҳл устида уни аввал бузуқ магнитафоннинг бир бўлаги, кейин эса телевизор пульти билан калтаклади. Олган тан жароҳатидан қизча вафот этди. Ширакайф аёл фарзандининг ўлганидан бехабар унинг олдига ётиб, ухлади. Эртаси куни тонгда қизчанинг ўлганини билиб, жасадни қишлоқнинг бир чеккасига олиб бориб ташлади. Кейин уйсиз, дайдиларга қўшилиб, Улан-Удэ шаҳрига йўл олди. Бир неча кун бемақсад айланиб юргач, дайдиларнинг махсус тураржойига жойлашди.
Аёлнинг ноқонуний турмуш ўртоғи 14 февраль куни уйга қайтиб, рафиқаси ва қизини тополмагач, полицияга мурожаат қилди. Полициячилар қизчанинг жасадини қишлоқ четидаги дарёнинг қирғоғидан топишди. Гувоҳлар сўроқ қилингач, аёлнинг қаердалиги аниқланиб, қўлга олинди.
