Бугун, 6 феврал куни Ўзбекистон Республикаси Ташқи ишлар вазири Абдулазиз Камилов Тошкентга келган Европа тикланиш ва тараққиёт банкининг (ЙТТБ) Марказий Осиё ва Россия бўйича бошқарувчи директори Наталиа Ханженкова бошчилигидаги делегацияни қабул қилди.
Учрашув чоғида Ўзбекистон ва ЕТТБ ўртасидаги ҳамкорликнинг устувор йўналишлари муҳокама қилинди.
Икки томон муносабатларида вужудга келган муайян тўхталиш ҳамкорликнинг ҳолати ва истиқболларига замонавий шартлар асосида янгича нигоҳ ташлашга имкон бериши таъкидланди.
Шунингдек, ЕТТБ президенти Сума Чакрабартининг Ўзбекистонга бўлажак ташрифи кун тартиби ҳам кўриб чиқилди.
Суҳбат давомида томонларни қизиқтирган бошқа масалалар юзасидан ҳам фикр алмашилди.
Шаҳриёр Турғунбоев олган сурат
