АҚШнинг Сиэтл федерал суди судьяси президент Дональд Трампнинг муҳожирлар сонини қисқартириш тўғрисидаги фармони ижросини вақтинча тўхтатди, деб хабар берди “Тvzvezda.ru” нашри.
Вашингтон ва Миннесота штатларидан келган сўровномага мувофиқ судья Жеймс Робарт шу қарорга келди.
Эслатиб ўтамиз, 27 январь куни АҚШ президенти Дональд Трамп етти мусулмон мамлакати —Сурия, Яман, Судан, Ливия, Сомали, Ироқ ва Эрон фуқароларини АҚШ ҳудудига киритмаслик тўғрисида фармонга имзо чеккан эди.
