Дэвид Бекхэмнинг шахсий ёзишмаларини ижтимоий тармоқларга жойлаштирган хакерларнинг нишонига айланди, деб хабар берди “Тvzvezda.ru” нашри.
Бекхэм ўз ёзишмаларида ЮНИСЕФ хайрия ишлари билан рицарлик унвонини олиш учунгина шуғулланганини тан олган.
“Жин урсин, бу пуллар меники, уларни қаерга ишлатиш шахсий ишим. Хайрия учун пул сарфлашни истамайман”, - деб ёзган ундан хайрия ишлари учун миллион доллар сўраган хайрия ташкилоти ҳақида. Нашрнинг маълум қилишича, Бекхэм ёзишмаларидан бирида унга фахрий унвонни раво кўрмаган Буюк Британия лордларидан норози бўлиб, уларни ҳақорат қилган.
Бекхэмнинг вакиллари унинг шахсий ёзишмалари ошкор қилинганини тасдиқлади, аммо юқоридаги фикрларга изоҳ беришни лозим топмади.
