“Ўзбекистон Республикасини янада ривожлантириш бўйича ҳаракатлар стратегияси тўғрисида” Ўзбекистон Республикаси Президентининг Фармони лойиҳаси муҳокамаси бўйича таклифларни қабул қилиш муддати якунланди.
Таклиф ва мулоҳазаларни қабул қилиш жорий йилнинг 28 январь куни соат 18-00 гача давом этди. Стратегия беш йўналишни ўз ичига олди.
I. Давлат ва жамият қурилиши тизимини такомиллаштиришнинг устувор йўналишлари
II. Қонун устуворлигини таъминлаш ва суд-ҳуқуқ тизимини янада ислоҳ қилишнинг устувор йўналишлари
III. Иқтисодиётни ривожлантириш ва либераллаштиришнинг устувор йўналишари
IV. Ижтимоий соҳани ривожлантиришнинг устувор йўналишлари
V. Хавфсизлик, диний бағрикенглик ва миллатлараро тотувликни таъминлаш ҳамда чуқур ўйланган, ўзаро манфаатли ва амалий ташқи сиёсат соҳасидаги устувор йўналишлар.
Таъкидлаш жоизки, илк бор мамлакатнинг муҳим ҳужжати интернетда кенг муҳокама учун очиқ бўлди. Лойиҳа Ўзбекистон Республикаси норматив ҳуқуқий ҳужжатларнинг муҳокамаси портали regulation.gov.uz’га жойланди.
Мазкур Фармон лойиҳасининг муҳокамаси чоғида 1313 изоҳ келиб тушди, шулардан 116 қабул қилиниб, 284 рад этилди.
Стратегиянинг барча йўналишлари 23 дан 28 январь кунлари ЎзЭОАВМА томонидан ташкиллаштирилган Медиа-ҳафталик доирасида муҳокама қилинди. Унда 50 ортиқ экспертлар ва 400 ОАВ вакиллари иштирок этишди. Беш кун давомида 150 ортиқ савол юзлаб таклифлар билдирилди.
