Ўзбекистон Республикаси Иқтисодиёт вазирлиги Инвестиция дастури доирасида 2016 йилнинг январ-декабр ойларида инвестиция лойиҳаларининг амалга оширилиши тўғрисида маълумот берди.
2016 йилдаги фаол инвестицион сиёсатни амалга ошириш натижасида умумий қиймати 5,2 млрд. доллар бўлган 164 та лойиҳаларни амалга ошириш якунланди ҳамда 5329 та янги иш ўринлари яратилди. Жумладан нефт-газ саноатида - 9 та лойиҳа, рангли металлургия тармоғида - 20, электроэнергетика соҳасида - 5, машинасозлик тармоғида - 3, электротехника соҳасида - 16, енгил саноатда - 17, бошқа тармоқларда - 94 та лойиҳалар.
Хусусан, “450 МВт қувватли икки буғ станцияси қуриш орқали Толимаржон ИЭСни кенгайтириш”, “Ангрен ИЭСда тепофикацион танлов билан юқори кулли кўмирни ёқиш учун 130-150 МВт қувватли энергоблок қуриш”, “Сиқув компрессор станциясини қуриш орқали Шарқий Бердақ ва Шимолий Бердақ конлари қўшимча инфратузилмасини ривожлантириш”, “Жиззах вилоятидаги цемент заводини кенгайтириш”, “Мис эритиш заводида янги эритув печини қуриш”, “Қалмоққир конининг балансдан ташқари рудаларини ишлаб чиқаришга жалб қилиш”, АЖ “ДжиЭм Ўзбекистон”да “Енгил автомобилларнинг ”Т-250” моделини ишлаб чиқаришни ташкил этиш”, “Ангрен-Поп электрлаштирилган темир йўлини қуриш”, “Ўзбекистон ҳаво йўллари” МАК ҳаво кемалари паркини янгилаш (2 та янги Боинг-787 Дреамлинер самолётларини олиб келиш)” , “Индорама Қўқон текстил” ХК МЧЖда ип йигирув ишлаб чиқаришни ташкил этиш (IV босқичи)” ва “Андижон вилоятидаги “Фантекс” МЧЖда ип йигирув ишлаб чиқаришни ташкил этиш”, “Мейлисой” конини қурилиши” ва “Сирдарё вилоятидаги “Гулистон Мед Техника” МЧЖ ҚКда бир марта фойдаланиш учун стерилланган шприцлар ишлаб чиқаришни ташкил этиш”, “Жиззах пластмасса” АЖда полиэтилен пленкаларини ва трубаларни ишлаб чиқаришни ташкил этиш”, “Жиззах” ЭИЗсида шиша толасидан иссиқлик изоляциясини таъминлайдиган маҳсулотларни ва кенг ассортиментдаги электротехник маҳсулотларни ишлаб чиқаришни ташкил этиш” ва бошқалар.
