Узоқ кутилган қадам: Ўзбекистон молия бозорига исломий молиялаштириш тизими кириб келмоқда. Бу ҳақда Президент раислигида ўтказилган йиғилишда маълум қилинди. Тизимнинг тўлақонли ишга тушиши иқтисодиётимизга қўшимча 1 миллиард доллар сармоя ва депозитларни жалб қилиши кутилмоқда.
Янги тизим ўзи билан қандай ўзгаришлар олиб келади?
Янги хизматлар: Инвестициявий омонатлар (музораба), насияга сотиш (муробаҳа), шерикчилик (мушорака) ва исломий ижара каби ҳалол хизмат турлари йўлга қўйилади.
Солиқ имтиёзлари: Насияга сотилган товар устамасига ҚҚС ҳисобланмайди,инвестициявий омонатдан олинган даромад эса солиқдан озод қилинади.
Ишончли назорат: Марказий банк ва тегишли лицензия олган банклар қошида махсус Исломий молия кенгашлари ташкил этилади. Ушбу кенгашлар стандартларишлаб чиқиш, меъёрий-ҳуқуқий ҳужжатлар лойиҳаларини тайёрлашда кўмаклашиш, баҳсли масалаларга изоҳ бериш, шартномалар ва ички ҳужжатларни кўриб чиқиш, мувофиқлик устидан назоратни таъминлаш билан шуғулланади.
Жорий йилда камида битта тижорат банкида исломий «дарча» фаолиятини йўлга қўйиш, 2026-2030 йилларда эса тўлиқ исломий банк фаолиятини амалга оширувчииккита банк ташкил этиш режалаштирилган.
Исломий молиянинг қонунан ишлаб кетиши тадбиркорлар ва аҳоли учун ҳалол ҳамда муқобил сармоя киритиш имкониятларини кенгайтиради. Ушбу янги тизим мамлакат молия бозорини янада рақобатбардош ва хорижий инвесторлар учун жозибадор қилиши шубҳасиз.
