Колумбияда бортида 125 киши бўлган “Lockheed Martin” компаниясининг “C-130 Hercules” ҳарбий-транспорт самолёти ҳалокатга учради. Бу ҳақда “Reuters” хабар берди.
Маълум қилинишича, самолётда 114 нафар йўловчи ва 11 нафар экипаж аъзоси бўлган. У жанубдаги Пуэрто-Легисамо шаҳридан учиб чиққач, тахминан икки километр узоқликда қулаган.
Ҳалокат оқибатида 66 киши ҳалок бўлган. Бедарак йўқолганларни қидириш ишлари давом этмоқда.
Жабрланганларни эвакуация қилиш учун иккита самолёт жалб қилинган бўлиб, улар Богота ва бошқа шаҳарлардаги шифохоналарга етказилган.
Ҳарбийлар воқеа жойида иш олиб бормоқда. Ҳалокат сабаблари ҳозирча аниқланмаган.
