Kolumbiyada bortida 125 kishi bo‘lgan “Lockheed Martin” kompaniyasining “C-130 Hercules” harbiy-transport samolyoti halokatga uchradi. Bu haqda “Reuters” xabar berdi.
Ma’lum qilinishicha, samolyotda 114 nafar yo‘lovchi va 11 nafar ekipaj a’zosi bo‘lgan. U janubdagi Puerto-Legisamo shahridan uchib chiqqach, taxminan ikki kilometr uzоqlikda qulagan.
Halokat oqibatida 66 kishi halok bo‘lgan. Bedarak yo‘qolganlarni qidirish ishlari davom etmoqda.
Jabrlanganlarni evakuatsiya qilish uchun ikkita samolyot jalb qilingan bo‘lib, ular Bogota va boshqa shaharlardagi shifoxonalarga etkazilgan.
Harbiylar voqea joyida ish olib bormoqda. Halokat sabablari hozircha aniqlanmagan.
