UEFA маълумотига кўра, 2026 йилги Чемпионлар лигаси финали Венгриянинг Будапешт шаҳрида бўлиб ўтади. Финал учун чипталар нархи 70, 180, 650 ва 950 еврони ташкил қилади.
Аёллар Чемпионлар лигаси финали Норвегиянинг Осло шаҳрида ўтади, чипталар эса 20 евродан бошланади. Чипталар асосан иштирокчи жамоалар мухлислари ва кенг жамоатчилик ўртасида лотерея орқали тақсимланади. Стадион ўринларининг 40% дан ортиғи энг арзон тоифадаги финалчилар мухлислари учун ажратилади. Аёллар финалида чипталарнинг 60%дан ортиғи 40 евро ёки ундан арзон нархларда сотилади.
Шунингдек, Европа лигаси финали 20 май куни Туркиянинг Истанбул шаҳрида, чипталар 40–240 евро оралиғида сотилмоқда. Европа Конференция лигаси финали эса 27 май куни Германиянинг Лейпциг шаҳрида 25–190 евро оралиғида тақдим этилмоқда.
2026 йилги Чемпионлар лигаси финали учрашуви 30 май куни бўлиб ўтади.
