The New York Times нашри Эроннинг янги диний раҳнамоси Мужтабо Хоманаий урушнинг биринчи кунида яралангани ҳақида хабар берди. Бироқ Эрон расмийлари бу маълумотни рад этмоқда.
Нашр манбаларига кўра, Мужтабо Хоманаий 28 февраль куни содир бўлган ҳужумлар пайтида оёғидан яраланган ва шу сабаб у сайланганидан бери омма олдига чиқмаган ҳамда расмий баёнот бермаган. Айтилишича, у ҳозирда алоҳида қўриқланадиган жойда сақланаётгани ҳам қайд этилган.
Шу билан бирга, Эрон президенти Масоуд Пезешкиан бу хабарларни инкор этди. Унинг таъкидлашича, Хоминаий соғ-саломат ва унинг яралангани ҳақидаги маълумотлар ҳақиқатга тўғри келмайди.
Маълумот учун, 8 март куни Эрон расмий ОАВлари Мужтабо Хоманаий мамлакатнинг янги олий диний раҳбари этиб сайланганини эълон қилган эди. У марҳум Али Хоминаийнинг иккинчи ўғли ҳисобланади.
