Бу ҳақда Саудия Арабистони Ташқи ишлар вазирлиги баёнот берди.
28 февраль куни Эрон Форс кўрфазидаги АҚШ ҳарбий инфратузилмасига кенг кўламли зарбалар йўллади. Хабарларга кўра, Қатар, Баҳрайн, Қувайт ва Бирлашган Араб Амирликлари ҳудудидаги стратегик объектларга баллистик ракеталар билан ҳужум қилинган. Натижада минтақанинг бир қатор давлатлари ҳаво ҳудудини ёпди, тинч аҳоли бошпаналарга эвакуация қилинди.
Маълумотларда АҚШ Бешинчи флоти логистика тугунига, шунингдек, Ал-Дафра авиабазаси ва Али Ал-Салом авиабазасига зарбалар берилгани айтилмоқда. Айрим ОАВ Шаҳзода Султон авиабазаси ҳам ҳужумга учраганини ёзди.
Шу билан бирга, Ислом инқилоби қўриқчилари корпусининг Курдистондаги базаси йўқ қилингани ҳақида ҳам хабарлар бор. Абу Даби ва Ар-Риёдда портлаш овозлари эшитилгани айтилмоқда. Вазият минтақада тобора кескинлашмоқда.
