India Today хабарига кўра, ҳодиса “цунами”га тақлид қилинган аттракционда юз берган. Аттракцион аввал оғиб кетган, кейин эса одамлар билан бирга қулаган. Жабрланганларга ёрдам беришга шошилган полиция ходими олган тан жароҳатлари сабаб кейинроқ шифохонада вафот этган.
Маълум қилинишича, воқеа вақтида аттракционда жами 26 киши бўлган. Улардан 13 нафари жароҳат олган, икки нафар аёл полициячи ҳам тан жароҳати билан шифохонага ётқизилган. Расмийларга кўра, жабрланганларнинг аксарияти енгил жароҳат олган, 2–3 нафарининг аҳволи нисбатан оғирроқ.
Ҳодиса юзасидан жиноят иши қўзғатилиб, сабабларни аниқлаш учун махсус комиссия тузилган. Барча жабрланганлар ҳозирда шифохонада даволанмоқда.
