Аввалроқ Ўзбекистонда 1 февралдан бошлаб 50 йилдан ортиқ эксплуатация қилинган автомобиллардан фойдаланиш тақиқланиши ва бундай транспорт воситалари давлат рўйхатидан чиқарилиши ҳақида хабар берилганди. ИИВ МИБ маълумотига кўра, антиквар автомобиллар ушбу чекловдан мустасно ҳисобланади.
Ҳукумат қарорига мувофиқ, ишлаб чиқарилганига 50 йил ва ундан ортиқ вақт ўтган, асл ташқи кўриниши, конструктсияси ҳамда асосий агрегатлари сақланиб қолган автотранспорт воситалари антиквар автомобиль сифатида эътироф этилади.
Юридик шахсларга тегишли антиквар автомобиллар учун ANT серияли I, IA, ИЭ ёки IAE турдаги давлат рақам белгилари, жисмоний шахсларга тегишлилари учун эса ANT серияли III, IIIA, IIIE ёки IIIAE турдаги давлат рақамлари жорий этилади.
Бундай транспорт воситалари учун давлат рақам белгиларини олиш мақсадида фуқаролар ҳудудий Йўл ҳаракати хавфсизлиги бошқармаларининг рўйхатдан ўтказиш ва имтиҳон олиш бўлимларига мурожаат қилиши лозим.
