29 январь куни соат 18:20 лар атрофида Тойлоқ тумани “Жумабозор” МФЙ ҳудудидан ўтган Д–069 автомобиль йўлининг 12-километрида йўл-транспорт ҳодисаси содир бўлди. Тойлоқ–Ургут йўналишида ҳаракатланиб кетаётган велосипедчини шу йўналишда келаётган Исузу русумли юк машинаси уриб юборган.
Зарб оқибатида велосипедчи йўлга йиқилган. Орқа томондан ҳаракатланиб келаётган Damas русумли автомобиль эса уни босиб кетган. Натижада фуқаро воқеа жойида вафот этган.
Мазкур ҳолат юзасидан Тойлоқ тумани ИИБ Тергов бўлими томонидан жиноят иши қўзғатилиб, дастлабки тергов ҳаракатлари олиб борилмоқда. Самарқанд вилояти ИИБ ЖХХ ЙҲХБ йўл ҳаракати иштирокчиларини қоидаларга қатъий амал қилишга чақирди.
