29 январь куни Миллий футбол марказида Ўзбекистон футбол ассоциациясининг ҳисобот-сайлов конгресси бўлиб ўтди. Унда ассоциация президенти ҳамда вице-президентлари лавозимларига сайлов ўтказилди.
Сайлов натижаларига кўра, Баҳодир Қурбонов Ўзбекистон футбол ассоциацияси президенти лавозимига қайта сайланди. Равшан Эрматов биринчи вице-президент, Одил Аҳмедов эса вице-президент сифатида ўз лавозимларини сақлаб қолди.
Конгресс доирасида, шунингдек, ЎФАнинг молиявий фаолияти бўйича аудиторлик ҳисоботи тасдиқланди ҳамда 2025 йилнинг энг яхшиларини тақдирлаш маросими ўтказилди. Элдор Шомуродов йилнинг энг яхши футболчиси, Темур Кападзе эса йилнинг энг яхши мураббийси деб топилди.
