Адлия вазирлиги маълумотларига кўра, 2025 йилда Ўзбекистонда 267 мингдан ортиқ никоҳ давлат рўйхатидан ўтказилган. Йил якунларига кўра, никоҳ қайд этилганлар орасида энг кекса куёв 91 ёшда, энг кекса келин эса 85 ёшда бўлган.
Шунингдек, никоҳдан ўтган эркакларнинг ўртача ёши 25 ёш, аёлларники эса 22 ёшни ташкил этган. 30 ёшгача бўлганлар ўртасида никоҳлар сони энг юқори бўлиб қолаётган бўлса-да, 30 ёшдан кейин оила қурганлар сони ҳам ошгани қайд этилган.
Мутахассислар бу ҳолатни аҳолининг таълим даражаси ва ижтимоий-иқтисодий қарашлари ўзгариб бораётгани билан изоҳламоқда.
